Од текстот сосема го отстранивме божествениот, односно митолошкиот аспект и приказната за Агава и Дионис ја поставивме во рамките на трагедијата на животите на обичните смртници. Агава е самохрана мајка, работничка во фабрика за преработка на текстил, која своето секојдневие го поминува служејќи им на другите дома и на работа. 

„Народен непријател“ отвора и важна дилема и во актуелните еколошки борби — како да се третира нешто што од една страна е извор на загадување и зараза, а од друга, главен (честопати единствен) извор на приход за поголемиот дел од населението во тој крај? Доктор Стокман е парадигма на современиот ангажиран маж, но тој е и идеалист кој верува дека промената е можна, и дека моменталното жртвување е неопходно, без разлика колку е тоа болно. 

Претстава која се занимава со рушењето на интимните светови. Собрани под покривот на куќата во која се случил распадот на нивниот заеднички, семеен свет, трите лика од драмата, своите индивидуални кршења си ги откриваат едни на други.

Фактот што македонските и босанските актери играат на нивните мајчини јазици му дава посебна димензија на концептот во смисла на играта на говорот, меѓусебната врска помеѓу сродните јазици и комуникацијата на сцена што ја прави оваа претстава возбудлива и атрактивна за следење. 

Понеделник, вечерна проба. Одеднаш воздухот на сцената затрепери. Се разбудија духовите на театарот

Претставата „Буре барут“, во режија на Нина Николиќ, по истоимената драма на Дејан Дуковски, денеска, 25 години по праизведбата на драмата, сѐ уште зборува за актуелни теми присутни во секојдневието на луѓето што живеат на „овие простори“.

„Белградска трилогија“ - претстава за причините за напуштање на сопствената земја, но и за реалноста со која лицето се соочува надвор од неа.

Главниот лик во приказната, Ана Бергман, се соочува со свои избори и одлуки, со последици од тежок брак, полн со тешкотии, насилство, вина и страдање. Така, сликата на традиционалната заедница е конфронтација со сопствената историја, минато и идентитет.

Секоја култура има свои доминатни историски настани, кои самите по себе се толку драматични, што театарот ги зема така готови и може да ги искористи за основен материјал за градење на фабулата. Еден од тие големи, клучни историски настани е револуцијата во Романија, 1989-та – што е земен како главна тематика на драмата Mad Forest на британската авторка Керил Черчил.

Претставата поставува круцијални прашања за љубовта, времето, животот и смртта. Рул во оваа приказна многу лесно не води низ спиралниот пат на бескрајно преплетување на нашите животи, нашите сеќавања и љубвта која ниту една смрт не може да ја убие. 

Фокусот на претставата е дека изговореното не можe да се избришe и заборавi. Најголем дел од нештата кои што имале какво и да било влијание врз нашата емотивна интелегенција (без разлика дали предизвикале среќа или тага) не можат да се поништата на ниту еден начин и влијаат на односот со и кон човекот кој ни ги направил.

​

Драмата според која е работена претставата Треперење е инспирирана од љубовната приказна и преписките помеѓу Антон Павловиќ Чехов и познатата актерка Олга Леонардовна Книпер. Станува збор за женска, високо естетизирана претстава, минималистичка по изразот и по изборот на режиските, сценските и актерските средства. 

​

​

Во Без норми, без правила, љубовниот триаголник е „расплеткан“ низ динамична танцова игра на три полиња - во три простории на Културниот центар ЦК. 

​